Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Lidhjes Demokratike të Kosovës, Lutfi Haziri, ia ka numëruar kryeministrit Albin Kurti datat më të rëndësishme të cilat kanë quar drejt pavarësisë së Kosovës. Haziri ka akuzuar Kurtin për prishjen e raporteve me aleatët ndërkombëtarë. Po ashtu, ai ka akuzuar qeverinë Kurti për përçarjen e popullit deri në hasmëri. “Dikush ka vdekur për këtë Republikë, për këtë liri e për këtë demokraci, që i ndërtuam me shumë mund e sakrifica personale e familjare. Dikush është në burg e dikush në Kuvend të Republikës. Shtrohet pyetja, çka do të lini ju pas, kush feston për një ngjarje tuajën dhe para kujt me dërguar lule?! Vendimet e mëdha e vendimtare për Kosovën si 2 Korriku, 7 Shtatori, 12 Qershori 1999 e 17 Shkurti, vijnë pas një vizioni, bashkëpunimi e koordinimi me aleatët ndërkombëtarë, në krye me ShBA-në. Sot kjo qeveri i ka prishur raportet deri në nivel sanksionesh. Madje kurrë më keq s’kanë qenë raportet edhe me vëllezërit në Shqipëri. Arsimtarët ishin heronjtë tanë të gjallë, sot sulmohen e përçmohen më mënyrën më të ulët.
