Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në aferën më të re të korrupsionit dhe keqpërdorimit të detyrave zyrtare, sot në Prishtinë policia arrestoi tre të dyshuar, dy zyrtarë të Ministrisë së Tregtisë dhe pronarin e hoteleve Ridvan Muharremi, sekser dhe mik i kryeministrit Albin Kurti. Arrestimi u krye në bazë të përgjimeve e incizimeve që ka bërë gazeta “Nacionale” ku tregohen presionet që i bëheshin një zyrtari të Ministrisë për ta nënshkruar pranimin e mallit, edhe pse kishin munguar disa tonë grurë. Por para se të publikoheshin përgjimet, kryeministri i Kosovës, Albin Kurti kishte marrë vendim që produktet e rezervës shtetërore të blihen pa procedura të prokurimit, veprim ky i kundërligjshëm, arbitrar dhe i papërgjegjshëm. Më 26 shkurt të vitit 2022, Qeveria e Kosovës, kishte marrë vendim që të anashkalohet ligji i prokurimit dhe të bëhen negociata direkte. Ky vendim është marrë pas kërkesës së Departamentit të Rezervave Shtetërore, që të mundësohet përjashtimi nga procedurat e prokurimit. Përjashtimi nga procedurat e prokurimit për furnizim me produkte të Rezervës Shtetërore të Mallrave, duke shfrytëzuar jotransparencën, i ka mundësuar Ridvan Muharremit që të bënte manipulim me blerjen e vajit dhe grurit që ishte të destinuar për Kosovë, që dyshohet se nuk ka ardhur asnjëherë.
