Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësi për shtyp i BE-së, Peter Stano ka reaguar në lidhje me ligjin e diskutueshëm të Republikës Serbe të Bosnje-Hercegovinës, i cili e bën shpifjen një vepër penale. Stano njoftoi përmes llogarive zyrtare në rrjetet sociale se Bashkimi Evropian shpreh keqardhjen për hyrjen në fuqi të ndryshimeve në Kodin Penal të Republika Srpska, të cilat parashikojnë dënime për shpifje. Sipas tij këto ndryshime legjislative vendosin kufizime të panevojshme dhe joproporcionale ndaj mediave të pavarura dhe shoqërisë civile. Ligji i ri ndikon seriozisht në mjedisin në të cilin vepron shoqëria civile dhe kufizon lirinë e shprehjes dhe medias në Republikën Serbe. Më pas, ai shton se ligji është në kundërshtim me të gjitha pritshmëritë dhe ligjet që janë të nevojshme për të hyrë në Bashkimin Evropian, gjë që nuk është në interes të qytetarëve të Bosnjës dhe Hercegovinës, tha Peter Stano.
