Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja, Vjosa Osmani, ka deklaruar se pezullimi i vendimit për heqje të vizave për qytetarët e Kosovës nga 1 janari i vitit 2024, do ta vriste dialogun mes Kosovës dhe Serbisë. Zonja Osmani me këtë rast iu ka referuar prononcimit të kryetarit francez, Emmanuel Macron, i cili më 29 gusht ka thënë se vendi i tij do t’i rishikojë zotimet që i ka bërë për çështje ekonomike dhe politika të vizave për Kosovën dhe Serbinë, nëse ato nuk sillen me përgjegjësi. Unë do të thosha që kjo është mënyra për ta vrarë dialogun një herë e përgjithmonë. Në qoftë se dëshiron dikush që të mos ketë më dialog, atëherë ndërmerr masa të tilla, që janë masa ndëshkuese ndaj popullit të Kosovës. Nuk janë ndaj ndonjë lideri, nuk janë ndaj një politike, janë ndaj popullit të Kosovës. Kryetarja Osmani, as Albin Kurti nuk kanë të drejtë të identifikohen me popullin e Kosovës, as kur ndodhen ngushtë, sepse dihet mirëfilli se sanksionet iu kanë vënë politikanëve, Këtë e ka thënë më së miri, ambasadori amerikan në Kosovë, Xhefri Hovenier dhe jo vetëm ai, se këto nuk janë sanksione kundër Kosovës as popullit të saj por kundër politikës aktuale.
