Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot është Dita Ndërkombëtare e Personave të Zhdukur. Edhe më shumë se 24 vjet nga përfundimi i luftës në Kosovë, zyrtarisht mbi 1600 njerëz, qytetarë të Kosovës figurojnë të janë të zhdukur. Zyra e Kryeministrit, Komisioni Qeveritar për Persona të Zhdukur dhe Këshilli Koordinues i Asociacioneve Familjare të të Zhdukurve të Kosovës, mbajtën homazhe pranë përmendores dedikuar personave të zhdukur me dhunë gjatë luftës. Pas përfundimit të luftës në Kosovë, në vitin 1999, të zhdukur kanë qenë rreth 6.500 njerëz, kryesisht shqiptarë të vendit tonë. Që nga ajo kohë janë kryer disa zhvarrime në varreza masive në Kosovë dhe Serbi dhe deri më tash janë gjetur rreth 70 për qind e të zhdukurve. Me rastin e kësaj dite, ambasadori i Gjermanisë në Kosovë, Jorn Rohde, iu ka bashkuar thirrjes së OSBE-së, që palët ta zbatojnë marrëveshjen e arritur më 2 maj për personat e zhdukur me forcë. Në Ditën Ndërkombëtare të Viktimave të Zhdukjeve me Forcë, unë bashkohem me OSBE-në duke kërkuar zbatimin e shpejtë të marrëveshjes së lartpërmendur, ka thënë ambasadori, Rohde.
