Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Republikës së Kosovës, Hashim Thaçi pas takimit me atin e shenjtë, Papa Françiskun, është takuar sot edhe me sekretarin e Vatikanit për Marrëdhënie me Shtetet, imzot Paul Richard Gallagher. Në këtë takim të mbajtur në Selinë e Shenjtë, kryetari Thaçi ka folur me zyrtarin e Vatikanit për kultivimin e tolerancës fetare, etnike dhe politike në Kosovë, por edhe në rajon e më gjerë.” Kosova ka raporte të mira me të gjitha vendet e rajonit dhe tash, me ndërmjetësimin e Bashkimit Evropian, po dialogojmë edhe me Serbinë, një proces ky që gjithsesi, në një të ardhme të afërt, do të çojë në pajtimin e popujve tanë dhe në rritjen e bashkëpunimit mes dy shteteve”, ka deklaruar kryetari Thaçi. Ai ka shfrytëzuar rastin që të kërkojë njohjen e pavarësisë nga ana e Selisë së Shenjtë, duke shtuar se ky do të ishte sinjal pozitiv për të gjithë qytetarët e Kosovës por edhe për mbarë botën.
