Asfaltohet rruga Musa Arifi në fshatin Bibaj të Ferizajt

17/06/2016 Institucionet

Të premten është bërë asfaltimi i rrugës në fshatin Bibaj me një gjatësi prej një kilometër.

Nga afër punimet në asfaltimin e kësaj rruge i ka inspektuar edhe kryetari i Ferizajt Muharrem Svarqa me bashkëpunëtorët e tij. Ai ka vlerësuar se ky projekt ka rëndësi tepër të madhe për banorët e kësaj pjese të qytetit sepse kjo rrugë  lidhet edhe me dy magjistralet atë të Gjilanit dhe të Prishtinës.

“Është një projekt në mesin e 96 projekteve  të cilat janë aprovuar në buxhetin komunal për vitin 2016,  dhe është tepër e rëndësishme sepse kjo rrugë  po bëhet me gjithë infrastrukturën e nevojshme që nënkupton edhe shtigjet për këmbësorë si dhe ndriçimin. Unë po shpresojë që më përmirësimin  e kohës ne do të bëjmë përpjekje që të realizohen edhe projektet tjera që janë  të planifikuara dhe të gjitha kompanitë që janë serioze dhe që kanë lidhur  kontrata me komunën janë të ftuar që të shpejtojnë  intensitetin e realizimit të këtyre punimeve,  edhe për shkak të afrimit të pushimit të mërgimtarëve në mënyrë që ata  të kenë një infrastrukturë të qarkullueshme rrugore. Ne kemi biseduar edhe me ministrin e infrastrukturës që edhe rruga “Driton Islami” brenda dhjetë ditëve të bëhet asfaltimi deri tek rrethrrotullimi në mënyrë që mërgimtarët të kenë një qarkullim sa më të mirë në vendlindje. Jam shumë i kënaqur me zhvillimin e punimeve dhe me efikasitetin e punimeve që po bëhem”, ka  thënë kryetari Svarqa.

Ndërkaq banorë e kësaj pjesë të qyteti  ku po asfaltohet kjo rrugë u shprehën të kënaqur me kujdesin që po tregon pushteti lokal ndaj nevojave të tyre. Thanë se e kishin shumë të vështirë qarkullimin deri më tani pa kushte elementare.

Për dallim nga projektet e realizuara vite më parë ku duhej edhe participimi i banorëve në projekte të ndryshme infrastrukturore në tri vitet e fundit nuk ka pasur participime, u bë e ditur se vlera e këtij projekti kap shumën rreth 50 mijë euro.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara