Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Punëve të Jashtme të Maqedonisë së Veriut, Bujar Osmani, ka deklaruar se vendi i tij nuk do të pranojë asgjë më pak se anëtarësimin e plotfuqishëm në Bashkimin Evropian. Ai iu përgjigjej pyetjeve të gazetarëve të cilët kërkuan koment pas deklaratave të përfaqësuesve të lartë evropianë dhe liderëve të vendeve anëtare të BE-së. Pyetja ishte nëse Maqedonia e Veriut është e gatshme të pranojë anëtarësim me të drejta të pabarabarta në BE nëse ky është kushti, ndërsa i referohej deklaratës së presidentit francez Emmanuel Macron për “Evropën me disa shpejtësi. Ministri Bujar Osmani iu referua deklaratës së kryetarit të Këshillit Evropian, Sharl Mishel, i cili në Forumin Strategjik të Bledit tha se BE-ja do të jetë e gatshme të pranojë anëtarë të rinj në vitin 2030. Ai tha se në forumin e Bledit në Slloveni ka marrë konfirmimin nga zyrtarë të lartë francezë, përfshirë ministren franceze për Evropën, se kryetari i Francës, Emmanuel Macron nuk ka folur për “shpejtësi” në kuptimin e shteteve anëtare të privilegjuara dhe më pak të privilegjuara.
