Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtari i Kryesisë së Nismës për Kosovën, Bilall Sherifi ka kritikuar deputetët e Kuvendit të Kosovës që votuan për vazhdimin e mandatit të EULEX-it. Ai ka përkujtuar fjalimet e deputetëve, shumë prej të cilëve thanë se ky mision është marrë vetëm me UÇK-në dhe nuk i ka hetuar dhe as gjykuar krimet serbe në Kosovë. “Të thuash se ky mision nuk ka bërë asgjë për sundimin e ligjit, të thuash se ky mision ka vepruar me instruksione politike, të thuash se ky mision është marrë vetëm me UÇK-në dhe nuk i ka hetuar dhe gjykuar krimet serbe në Kosovë, se nuk i ka hetuar dhe gjykuar kriminelët që kanë kryer gjenocid mbi njerëz të pafajshëm, gra burra dhe fëmijë në Kosovë dhe në fund të votosh për vazhdimin e mandatit të tij është më shumë se hipokrizi. Në çdo vend demokratik në botë, përfaqësuesit e popullit, të cilët mendojnë diçka, flasin diçka tjetër dhe në fund votojnë krejt diçka tjetër, në zgjedhjet e radhës padyshim që do të ndëshkoheshin nga zgjedhësit e tyre”, përfundon shkrimi i Bilall Sherifit.
