Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi i përhershëm i Shqipërisë në Kombet e Bashkuara, Ferit Hoxha, ka deklaruar se Reforma e Këshillit të Sigurimit të OKB-së nuk ka mundur të përparojë prej 30 vitesh. Ai mbajti një konferencë për media rreth marrjes së presidencës për herë të dytë të Shqipërisë për Këshillin e Sigurimit të Kombeve të Bashkuara. Në pyetjen se përse nuk është kryer ende reforma, Ferit Hoxha tha se këtë situatë e cilëson si një “zhgënjim” në aspektin e kapacitetit kombëtar. Ai theksoi se çdo veto merr peng Këshillin e Sigurimit dhe se për këtë arsye institucioni nuk ka përmbushur ashtu si duhet detyrën e tij. Vendet anëtare nuk kanë mundur të arrijnë marrëveshje për zgjidhjen e problemeve themelore. Kjo është një situatë e vështirë, por ne e dimë që edhe në diplomaci çdo gjë nuk ndodh papritur. Ndonjëherë mund të ketë zhvillime në momentin më të papritur”, ka deklaruar përfaqësuesi i përhershëm i Shqipërisë në Kombet e Bashkuara, Ferit Hoxha.
