Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja, Vjosa Osmani, në një intervistë për Top Channel, gjatë qëndrimit për një vizitë zyrtare në Shqipëri ka shpalosur detaje, për relacionin e saj me kryeministrin, Albin Kurti. Ajo duke folur për vështirësitë e institucioneve të Kosovës në raport me ndërkombëtarët, ka thënë se nganjëherë me Kurtin nuk pajtohemi me javë të tëra. Më pas ka sqaruar se sërish pajtohet me Kurtin, duke mos lejuar të shkëputet komunikimi. Edhe kur nuk pajtohemi, ne vazhdojmë e komunikojmë me njëri-tjetrin, ka thënë zonja Vjosa Osmani, por nuk ka treguar asnjë rast kur nuk janë pajtuar edhe pse shumica e mospajtimeve janë të tejdukshme, pasi dihet se çfarë kanë qenë raportet Kurti-Osmani para arritjes së pajtimit për koalicion parazgjedhor, kur Vjosa Osmani kishte ndarë nga LDK-ja “pajën e saj” dhe ia kishte ofruar Albin Kurtit e Vetëvendosjes, me kusht që të bëhet kryetare. Për ta marrë këtë post ajo kishte tradhtuar partinë, e cila e kishte lindur, rritur, edukuar e frymëzuar.
