Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Gjykatën Speciale, në Hagë, në procesin gjyqësor që po zhvillohet kundër krerëve të UÇK-së: Hashim Thaçi, Kadri Veseli, Jakup Krasniqi e Rexhep Selimi, po vazhdon ta paraqesë dëshminë e tij, Frederick Abrahams, i cili është zyrtar i organizatës, “Human Rights Watch”. Ai po intervistohet nga Ben Emmerson, avokat i Kadri Veselit. Abrahams po dëshmon për raportet që ai dhe kolegët e tij i kishte përgatitur në periudhën e luftës, në Kosovës, në kuadër të punës të kësaj organizate. Në seancë u tha se ato raporte kishin cituar Qendrën për të Drejtën Humanitare në Serbi në shkrimet, ku burim i vetëm ishin mediat serbe. Avokati britanik i Kadri Veselit, Ben Emmerson paraqiti dokumentet ku shihet burimi i raporteve të njëanshme të kësaj organizate. Në të thuhet, se të gjitha hulumtimet e kryera nga Qendra Humanitare në periudhën nga 1990-1999, të gjitha hulumtimet kishin një metodologji të përbashkët me atë tonën…Ne sapo pamë këtë shembull të fundit ku ajo çfarë keni bërë ju, z. Abrahams nuk është asgjë tjetër veçse një riciklim i raporteve të lajmeve serbe, në raportin tuaj, tha avokati Ben Emmerson, duke diskredituar dëshmitë e njëanshme dhe një burimore të zyrtarit ndërkombëtar, Abrahams, i cili në disa raste edhe vetë ka pranuar se burimet e tij janë nxjerrë nga mediet e Millosheviqit, në Serbi.
