Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Rahovecit Smajl Latifi, ka vizituar njërin nga bizneset më të mëdha në komunën e Rahovecit, OSA TERMOSISTEM. Kryetari Latifi ka pa nga afër punën e jashtëzakonshme që bëhet në këtë kompani. Nga Arian Osa, u informuan për sukseset, sfidat dhe vështirësitë që po përballen. Kryetari Latifi tha se, u gëzuam me investimet e dukshme të bëra në këtë kompani, në pajisje moderne, në pajisje digjitale e në robotikë. Kjo kompani është tregim i suksesit, jo vetëm në komunën tonë, por edhe jashtë vendit, duke eksportuar 28% të prodhimeve. Kënaqësi kur sheh ndryshimet pozitive dhe arritjet e kësaj sipërmarrjeje e cila po punon shumë, po i trajton me dinjitet punëtorët dhe po avancon dukshëm në modernizim dhe standarde në cilësi të prodhimeve e të kushteve të punës, duke ngritur kapacitete të reja të prodhimit e duke rritur tregun për prodhimet e saj. Si kryetar dhe si Komunë, do të jemi afër bizneseve, duke ofruar mbështetje dhe lehtësi në ushtrimin e veprimtarive të tyre, ka thënë kryetari Latifi.
