Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Tërmeti shkatërrues i fuqisë 6.8 ballë në Marok ka mbytur më shumë se 2 mijë njerëz ndërsa shumë të tjerë janë të plagosur dhe nën rrënoja, raporton BBC. Banorët kanë frikë të kthehen në shtëpitë e tyre dhe mijëra familje kanë qëndruar jashtë Medinës, një vend i trashëgimisë botërore të UNESCO-s. Maroku ka shpallur tre ditë zi pas tërmetit tragjik, ndërsa sot flamujt janë ulur në gjysmë shtizë. Ndërkohë ekipet e emergjencës së kërkimit dhe shpëtimit po përqendrojnë përpjekjet e tyre në fshatrat e thella malore, afër epiqendrës, ku qindra njerëz besohet se janë ende të bllokuar nën rrënojat e shtëpive të tyre. Tërmeti u ndje në të gjithë vendin, veçanërisht në pikën turistike të Makarreshit dhe fshatrat e largëta në malet e Atlasit të Lartë.
