Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi i OVL-UÇK-së, Faton Klinaku, ka kritikuar EULEX-in dhe Zyrën e Prokurorit të Gjykatës Speciale në Hagë. Ai ka thënë se me veprimet e fundit këto institucione kanë shqetësuar familjet e shumë veteranëve të UÇK-së. Faton Klinaku ka paralajmëruar se nesër do të protestohet kundër këtyre institucioneve. Jeni dëshmitarë që Zyra e Prokurori, në Hagë dhe EULEX-i janë, duke i shqetësuar familjet e bashkëluftëtarëve tanë dhe familjet e dëshmorëve, duke dërguar pa paralajmërim njerëz të panjohur e me kapela në kokë, për gjoja intervistime e duke ua konfiskuar edhe telefonat e tyre. Kjo gjë kështu, siç po bëjnë këta të panjohur për ne, po bëhet në shtetin tonë sikur dikur në kohën e pushtuesit, dhe institucionet tona vetëm po heshtin. Prandaj, duke pasur parasysh këtë, ne thërrasim protestë kundër Zyrës së Prokurorit dhe EULEX-it, te selia e tyre në Fushë Kosovë, nesër më 15 shtator 2023, në orën 12:00. Ju ftojmë që të merrni pjesë në protestë, ka shkruar Faton Klinaku.
