Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e LDK-së, Vlora Dumoshi, gjatë fjalës së saj në Kuvend, ka thënë se për herë të parë Kosova është nën sanksione nga miqtë e saj ndërkombëtar që e ndihmuan në shtet-ndërtim. Duke folur për ngritjen e çmimeve e inflacionin e lartë, Dumoshi ka thënë se mbi 70 për qind e qytetarëve janë shprehur se rritja e çmimeve ka vështirësuar jetën e tyre. Vendi, ka mbetur pa punëtorë dhe po qeveriset nga “njerëz që nuk e duan punëtorin e as mirëqenien. Falë kësaj qeverie jemi nën sanksione nga aleatët tanë, nga ata që na ndihmuan në shtet-ndërtim. Mbi 70 për qind e qytetarëve janë shprehur se rritja e çmimeve ka vështirësuar jetën e tyre. Sektorë të tërë kanë mbetur pa punëtorë dhe për herë të parë po ikin mjekë, policët e po mbesim pa të rinj. Për herë të parë, Kosova po udhëhiqet nga njerëz që nuk e duan punëtorin e as mirëqenien. Ky vend ka pasur parti politike dhe në kohën kur Vetëvendosja nuk ka qenë në Kuvend, sot shumica e tyre kanë qenë nga regjimet e vjetra. Sot ju keni dështuar, në ekonomi dhe shihni çmimet që kemi mbi 50 për qind rritje të shportës familjare”, tha ajo.
