Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri Albin Kurti, priti në takimin deputetin shqiptar në Kuvendin e Serbisë, Shaip Kamberi. Në njoftimin e Qeverisë thuhet se kryeministri foli për takimin e kësaj jave të nivelit të lartë të dialogut, në Bruksel dhe qëndrimin e Qeverisë së Kosovës. Me këtë rast, deputeti, Shaip Kamberi e njoftoi kryeministrin Kurti, lidhur me zhvillimet e fundit në tri komunat e Kosovës Lindore Ai theksoi se bashkë me deputetët boshnjak të SDA-së ka iniciuar pesë projektligje ndër të cilat ai për mbrojtjen e të drejtave dhe lirive të pakicave; për selitë dhe territorin e gjykatave; për ndryshimin e ligjit për përdorimin e simboleve kombëtare; për ndryshimin e Rregullores së parlamentit ashtu që listat e pakicave të kenë mundësinë e krijimit të grupit parlamentar me tre deputet e jo me pesë siç kërkohet për partitë qendrore, si dhe projektrezolutën për Srebrenicën, Kryeministri e përgëzoi deputetin, Shaip Kamberi për angazhimin dhe vendosmërinë dhe i ofroi mbështetjen e plotë për afirmimin e pozitës së shqiptarëve në Preshevë, Medvegjë dhe Bujanoc, saktësohet në njoftim.
