Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, sot në Nju Jork kryeson Debatin e Hapur të Nivelit të Lartë të Këshillit të Sigurimit në OKB. Debatin e hapur, kryeministri Rama do e drejtojë në krah të sekretarit të përgjithshëm të kësaj organizate, Antonio Guterres, dhe kryetarit amerikan, Xho Bajden. Gjatë ditës, Edi Rama do të takohet dhe me kryetarin e Ukrainës, Vladimir Zelenski, me të cilin pritet të nënshkruajë dhe një deklaratë. Kryeministri i Shqipërisë, publikoi një videomesazh nga Nju Jorku, ku bëri me dije se Shqipëria do të vërë theksin te nevoja për një veprim efektiv shumëpalësh, si metoda më e mirë, për zgjidhjen e problemeve të përbashkëta, sidomos të paqes e sigurisë. Të pranishëm në javën e nivelit të lartë të sesionit të 78-të të OKB, ishin edhe ministri i Jashtëm, Igli Hasani dhe kryetari i Shqipërisë, Bajram Begaj, i cili ka mbajtur dhe një fjalë në takimin e nivelit të lartë, ku theksoi se zhvillimi i qëndrueshëm është garancia më e fortë për një botë të karakterizuar nga paqja e stabiliteti. Kryetari, Begaj, ka zhvilluar një sërë takimet me personalitete të larta të shteteve apo qeverive në botë.
