Zv. Kryetari Aliu priti një delegacion nga Turqia, u bisedua rreth mundësive të bashkëpunimit dhe investimeve në Viti

20/09/2023 Institucionet

Zëvendëskryetari i komunës së Vitisë, Hasan Aliu, ka pritur në takim një delegacion nga Turqia, konkretisht nga Oda Ekonomike e qytetit Turgutllu të Turqisë të kryesues nga  Faruk Aydin, kryetar i bordit të DHTI-së. Në këtë takim i pranishëm ishte edhe Rexhep Gynduz, kryetar i Qendrës Kulturore të Kosovës në Bursa të Turqisë, si nismëtar i këtij bashkëpunimi. Me këtë rast në këtë takim është bashkëbiseduar për mundësitë e bashkëpunimit në interes të dy komuniteteve. Zëvendëskryetari Aliu i falënderoj ata për vizitën duke i njoftuar ata me gjendjen e gjithëmbarshme në këtë komunë dhe mundësive të mira për investime. Aliu fillimisht ka njoftuar për historikun e shkurtër të komunës së Vitisë, numrin e popullsisë dhe resurset që posedon kjo komunë. “Ne si komunë jemi të njohur në Bujqësi e Blegtori dhe kemi një mërgatë që është shumë aktive dhe ndihmon shumë në zhvillimin e ekonomisë. Ai shprehu gatishmërinë e bashkëpunimit, ndërkohë njoftoi edhe me përfaqësuesit e disa bizneseve shumë të suksesshme të komunës së Vitisë. Ndërkaq z. Aydin, bëri të ditur se përfaqësojnë komunitetin e biznesit të qytetit Tutrgutllu dhe u shpreh i kënaqur me atë që ka parë gjatë vizitës në disa kompani kosovare dhe teknologjinë që e përdorin ato. “Po shihet që këtu ka shpresë për një zhvillim të suksesshëm të ekonomisë në Kosovë, dhe shpresoj shumë që Kosova do të avancoj edhe më shumë me produktet e saja në tregun e BE-së. Në kuadër të Odës Ekonomike të Turgutllus, veprojnë mbi 3 mijë biznese dhe atje çdo kompani është e obliguar të jetë anëtare e odës Ekonomike, gjë që ka ndikuar shumë pozitivisht në mbështetje dhe zhvillim sa më të mirë të tyre”, tha Aydin. Në këtë takim u shkëmbyen përvojat mes biznesmenëve turq dhe atyre të komunës së Vitisë, si dhe u shqyrtuan mundësit e thellimit të bashkëpunimit në fusha të ndryshme.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara