Sekretari amerikan i Shtetit, Antony Blinken, ka deklaruar se Uashingtoni zyrtar dënon fuqishëm sulmet ndaj Policisë së Kosovës në veri të shtetit, duke u bërë thirrje qeverive të Kosovës dhe Serbisë që të ulin tensionet. Ai ka thënë me këtë rast se autorët e këtij krimi duhet të mbahen përgjegjës përmes një procesi transparent të hetimit”, saktësoi Blinken përmes një deklarate zyrtare. Ditë më parë Policia e Kosovës u sulmua nga një grup i personave të maskuar dhe armatosur, pasi autoritetet e rendit bënë përpjekje të largonin barrikadat e vendosura në Banjskë të Zveçanit. Si pasojë e përleshjeve, zyrtari policor, Afrim Bunjaku, u vra dhe disa të tjerë u plagosën. Grupi i armatosur më pas u strehua në manastirin e Banjskës dhe gjatë ditës u përlesh me Policinë e Kosovës. Ende nuk ka të dhëna zyrtare për numrin e serbëve të vrarë gjatë shkëmbimit të zjarrit. Ambasada e Shteteve të Bashkuara të Amerikës e ka vënë flamurin në gjysmë shtizë në nderim të policit të ndjerë, Afrim Bunjaku, i cili u vra të dielën në një sulm terrorist serb në Banjskë të Zveçanit.
![Blinken](https://www.radiokosovaelire.com/wp-content/uploads/antony-blinken-1-660x330.jpg)