Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri i Kosovës, kryetari shumëvjeçar i LDK-së, Isa Mustafa thotë se u dëshmua që pranimi i një statuti të Kishës ortodokse serbe në Kosovë, krijon mundësi të atilla që secili grup terrorist të mund të futet në pronën e Manastireve dhe Kishave. Në këtë rast institucionet e Kosovës nuk mund të bëjnë asgjë. Isa Mustafa vlerëson se ka nevojë që të korrigjohet marrëveshja me Serbinë, dhe aty objektiv të jetë njohja përfundimtare në mes të dy vendeve. “Dje doli diçka shumë e qartë në pah që ne e kemi ditë edhe më parë. Se pranimi i një statusi zyrtar të Kishës ortodokse serbe në Kosovë, që nënkupton eksterritorialitetin, themi krijon mundësi të tilla, cili grup do terrorist të shkon edhe të futet në pronën e Manastireve dhe Kishave dhe pastaj institucionet e Kosovës më s’mund të bëjnë asgjë, sepse atyre me ligj dhe Kushtetutë iu sigurohet që në territorin e tyre s’mund të futet askush dhe ta kryejë funksionin e vet ligjor dhe funksionin e vet kushtetues. Kështu që në këtë aspekt, unë mendoj se duhet të korrigjohen gjërat në pikëpamje të implementimit të tyre.
