Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Prishtinës, Përparim Rama, iu ka përgjigjur ministrit të Financave, Hekuran Muratit, lidhur me projektin “Solar4Kosova”, për të cilën, ai e ka akuzuar Ramën se po i merr meritat për punën e të tjerëve. Rama ka thënë se tash e sa kohë, puna e tij është duke u penguar disa ministrave të qeverisë Kurti, duke aluduar në Muratin dhe ministrin e Kulturës, Rinisë dhe Sportit, Hajrulla Çekun. “Një prej këtyre sulmeve ndodhi edhe dje, kur kryeqyteti nënshkroi marrëveshje bashkëpunimi me Komunën e Kastriotit për realizimin e projektit të ngrohjes diellore ‘Solar4Kosovo’. Me anë të kësaj marrëveshjeje ne si kryeqytet kemi marrë përgjegjësinë që të kryejmë obligimet financiare që do të dalin nga procesi i shpronësimit të pronave të cekura në marrëveshje, sepse pa këtë shpronësim nga ana e Kryeqytetit nuk bëhet projekti. Rama ka thënë se për këtë marrëveshje, Prishtina dhe Kastrioti kanë punuar 18 muaj në mënyrë intenzive dhe në këtë proces kanë bashkëpunuar me Ministrinë e Mjedisit, për ta rregulluar jetën e qytetarëve. Ai ka thënë se njëjtë ka ndodhur edhe për Lojërat Mesdhetare, duke shtuar se kjo gjuhë e përdorur nga ministra të caktuar të qeverisë, përveç se e dëmton organizimin e këtyre lojërave, e prish edhe imazhin e Kosovës.
