Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Daniel Serwer, profesor në Shkollën e Studimeve të Avancuara Ndërkombëtare të Universitetit “Johns Hopkins”, në Uashington, ka deklaruar se Policia e Kosovës dhe forcat e NATO-s në veriun e vendit me shumicë serbe, penguan një rebelim të armatosur gjatë fundjavës. Një polic i Kosovës dhe katër terroristë u vranë dhe disa u arrestuan. Por shumica duket se kanë ikur, tha Daniel Serwer. Sipas tij, Serbia dhe përfaqësuesit e saj politikë të Listës Serbe në Kosovë shpallën ditë zie. Ai thotë se kjo konfirmon mbështetjen e tyre për rebelimin. Ata duket se kanë gjetur një strehë të sigurt në Serbi. “Presidenti serb Vuçiq më pas u takua me ambasadorin rus Aleksandar Harçenko. Vuçiq është ankuar për spastrim brutal etnik në Kosovë, për të cilin nuk ka asnjë provë, tha Serwer, i cili ka hedhur dyshimet e tij rreth sulmit terrorist që ndodhi në veri të dielën, pasi konstaton se në komunat me shumicë serbe në Kosovë, asgjë nuk ndodh pa dijeninë e Beogradit.
