Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryenegociatorja për dialogun Kosovë-Serbi, Edita Tahiri, ka folur në lidhje me deklaratën e dhënë nga presidentja e vendit, Vjosa Osmani, e cila ka thënë se draftin e Asociacionit të komunave me shumicë serbe duhet ta përgatitin me Shtetet e Bashkuara të Amerikës. Ajo e ka cilësuar si veprim të duhur të kryeministrit Kurti bashkëpunimin e tillë për zbatimin e Asociacionit, pasi siç është shprehur kjo është një deklaratë e kryeministrit dhe jo e kryetares Osmani. E pashë deklaratën e Kurtit, sepse Osmani ka mbyllyr gojën qysh se ka filluar ky dialog i Kurtit me Vuciqin. Me gjasë prej frikës se do ta humbë postin duke qenë se Kurti e dominon me pushtet politik, numrin e deputetëve ne parlament, ndërsa Osmani ka pak deputetë. Sido që të jetë, tashmë po shihet se Albin Kurti mori mend, madje edhe në ngjarjet e fundit në veri ai e kishte plotë gojën koordinim të policisë me KFOR-n gjë të cilën nuk e bënte, madje dhe tallej në parlament duke pyetur me koordinim apo pa koordinim. Bashkëpunimi i Kurtit me ShBA-në për zbatimin e Asociacionit është një veprim i duhur, meqenëse Amerikën e kemi aleat strategjik, por këtë nuk e shihte Kurti, u këndellë pas sulmit hegjemon të Serbisë së terroristëve. Pra, u deshtë të ndodh diçka e rrezikshme që Kurti dhe Osmani ta shohin rëndësinë e SHBA-ve në të gjitha proceset te rëndësishme dhe të rrezikshme për Kosovën”, ka thënë Tahiri për gazetën “Blic”.
