leoni

KPF shqyrtoi kornizën afatmesme buxhetore 2017-2019 në Komunën e Malishevës

21/06/2016 Institucionet

Komiteti për Politikë dhe Financa (KPF), i drejtuar nga kryesuesi i Kuvendit të Komunës së Malishevës, Aziz Thaçi, ka mbajtur sot mbledhjen e gjashtë me radhë për këtë vit, ndërsa pikë e rëndësishme e mbledhjes së sotme ishte korniza afatmesme buxhetore 2017-2019, me theks të veçantë buxheti për vitin 2017, pikë të cilën e rekomanduan për shqyrtim në mbledhjen e ardhshme të Kuvendit të Komunës.

Kornizën afatmesme buxhetore, para anëtarëve të KPF-së, e ka prezantuar drejtori i Drejtorisë për Ekonomi, Buxhet dhe Financa, Vesel Krasniqi, i cili edhe ka shprehur pakënaqësinë e tij dhe të drejtorisë që drejton, lidhur me qarkoren e parë buxhetore, e cila sipas Krasniqit, është jo profesionale, është dërguar me vonesë, jashtë afateve ligjore dhe mbi të gjitha ka defekte të mëdha, të cilat do të ndikojnë direkt në buxhetin komunal për vitin 2017.

Drejtori Krasniqi, ka thënë para anëtarëve të KPF-së, se “qarkoren që do ta dërgojnë në ministrinë përkatëse, e kanë hartuar në bazë në mundësive dhe nevojave të komunës së Malishevës  dhe jo ashtu siç është hartuar nga ana e ministrisë, me shumë defekte”. Po ashtu Krasniqi, deklaroi se për të gjitha vërejtjet, me shkrim dhe në kohë e kanë informuar ministrinë.

Edhe anëtarët e KPF-së, pas shqyrtimit kanë vërejtur defekte të mëdha në qarkoren e parë buxhetore, të dërguara nga ana e ministrisë, pasi aty është rritur punëtorëve në arsim, pastaj shuma e të hyrave vetanake, është jashtë çdo mundësie të realizohet, sikur edhe defekte tjera, të cilat natyrshëm do të ndikojnë negativisht në qarkoren e dytë buxhetore.

Anëtarët e Komitetit për Politikë dhe Financa, e kanë rekomanduar për shqyrtim në Kuvendin e Komunës së Malishevës,  kornizën afatmesme buxhetore dhe në të njëjtën kohë, e kanë përkrahur drejtorinë në hartimin e kornizës buxhetore, në bazë të nevojave dhe mundësive që ka Komuna e Malishevës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara