Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi i Lartë i Bashkimit Evropian, Josep Borrell, dje ka deklaruar se do të ulet së bashku me kryetaren e Kosovës, Vjosa Osmani, dhe kryetarin e Serbisë, Aleksandar Vuçiq, për të biseduar gjatë samitit të BE-së që po i vazhdon punimet edhe sot, në Grenadë të Spanjës. I pyetur nëse ka takim të caktuar mes Osmanit dhe Vuçiqit, Borrel tha se takimet bëhen për t’i ulur tensionet. Presidentja Osmani do të jetë këtu dhe po ashtu presidenti Vuçiq. Në Kishinjev, ne u ulëm së bashku, biseduam për këtë, dhe sot do ta bëjmë të njëjtën gjë. Por, gjendja është shumë më e keqe sot sesa në kohën e Kishinjevës. Lidhur me këtë propozim zonja Osmani kishte thënë se nuk ka arsye për ta takuar kryetarin e Serbisë, Aleksandar Vuçiq para se ndaj tij të vendosen sanksione për zhvillimet e fundit në veri të Kosovës.
