Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njohësi i zhvillimeve politike në rajonin e Ballkanit Perëndimor, Florian Bieber, ka thënë se ngjarjet në Lindjen e Mesme dhe në Nagorni Karbah duhet të jenë një mesazh për BE-në, se konfliktet e ngrira janë gjithmonë të rrezikshme nëse nuk zgjidhen. Bieber thotë se konfliktet e ngrira nëse nuk zgjidhen përmes dialogut, atëherë ato do të zgjidhen në mënyra të rrezikshme, në momentet kur s’e ke situatën nën kontroll dhe kur s’mund të gjesh zgjidhje më të mira. “Një konflikt i ngrirë nuk mund të ekzistojë. Kjo u pa në Lindjen e Mesme, në Nagorni-Karabak… Një konflikt i ngrirë është vetëm një konflikt në të cilin dy palët kërkojnë një arsye ose një mundësi për t’i dhënë fund asaj lufte. Ky duhet të jetë një mesazh për BE-në, që konfliktet e ngrira duhet të zgjidhen, nëse nuk zgjidhen, do të zgjidhen në një mënyrë më të rrezikshme, në disa raste kur nuk është nën kontroll, kur nuk mund të gjesh zgjidhje më të mira, thekson ai.
