Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka përfunduar seanca e së enjtes në gjykimin kundër Hashim Thaçit, Kadri Veselit, Rexhep Selimit dhe Jakup Krasniqit. Pyetjeve të avokatit të Kadri Veselit, Ben Emmerson iu ka përgjigjur dëshmitari i 30-të. Seanca si zakonisht ka qenë e mbyllu për publikun. Kryetari i trupit gjykues Charles Smith ka njoftuar se seanca e radhës në këtë proces gjyqësor do të mbahet të hënën, më 16 tetor. Në seancë të së hënës, pritet të dëgjohet dëshmitari i 29-të, i cili dje nuk ishte i gatshëm të dëshmonte. Avokati i Kadri Veselit kërkon që ta marrë në pyetje dëshmitarin në seancë të hapur. Kërkesën e Emmersonit e ka kundërshtuar prokurori Matt Halling, por kryetari i trupit gjykues e ka aprovuar kërkesën e prokurorisë që seanca vazhdojë të jetë e mbyllur. Seancën e së enjtes, Jakup Krasniqi e ka përcjellë përmes video-lidhjes, ndërsa Hashim Thaçi, Kadri Veseli dhe Rexhep Selimi kanë qenë të pranishëm në sallën e gjyqit.
