Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria e Kosovës, e drejtuar nga kryeministri Isa Mustafa, ka zhvilluar sot mbledhjen e radhës në të cilën ka miratuar një sërë projektligjesh në kuadër të përgjegjësive kushtetuese. Projektligji për plotësimin dhe ndryshimin e Ligjit për Financat e Pushtetit Lokal është dokumenti i parë i miratuar në mbledhjen e sotme. Ky projektligj ka për qëllim sigurimin e nivelit minimal të shërbimeve komunale në komunat e caktuara, që kanë popullsi më pak se njëzet e dy mijë banorë. Në vazhdim të mbledhjes është bërë edhe miratimi i koncept-dokumentit për hartimin e projektligjit për ndryshimin dhe plotësimin e Ligjit për Rrugët. Qeveria ka miratuar në parim edhe nismën për lidhjen e Marrëveshjes financiare për IPA 2017 ndërmjet Republikës së Kosovës dhe Bashkimit Evropian. Në mbledhjen e sotme të kabinetit qeveritar u bë edhe miratimi i koncept-dokumentit për Rregullimin e Profesioneve të Arkitektëve dhe Inxhinierëve në Fushën e Ndërtimit.
