Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Qeveris-Kurti Albulena Haxhiu ka thënë se nuk mund të shkëputet ngjarja e 24 shtatorit me procesin e dialogut, pasi bëhet fjalë për shtetin e njëjtë, për persona të njëjtë. Prandaj kryeministri Kurti në takimet që ka pasur me emisarët: Lajçak e Escobar ka bërë e ditur qasjen që ka Qeveria e Kosovës, pasi sipas saj është me rëndësi që fokusi të vendoset te siguria për qytetarët e Kosovës. Sulmi terrorist nuk mund të shkojë pa u sanksionuar. Ne kemi kërkuar nga partnerët tanë ndërkombëtarë, njësoj sikurse ka vepruar Kosova për sanksionet për grupet terroriste të organizuara dhe Serbia duhet të ndëshkohet për veprime terroriste që ka ndërmarrë në territorin e Kosovës. Lidhur me vizitën e pesëshes që vizitoi Kosovën ditë më parë, të cilët kanë paraqitur ofertën e tipit: merre ose lëre, ministrja Haxhiu e mohoi. Ajo tha se emisarët e kanë paraqitur këndvështrimet e tyre për këtë proces, por në anën tjetër ne kemi qëndrimet tona dhe kemi thënë që fokusi të vendoset te zbatimi i marrëveshjes, ka deklaruar zonja Haxhiu.
