Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes së Kosovës, Ejup Maqedonci ka takuar komandantin e Kontingjentit Turk të Misionit të NATO-s në Kosovë, kolonel, Sabri Gokhan Karamursel, raporton Anadolu. Ministri, Maqedonci tha se me të ka diskutuar rreth shumë çështjeve të sigurisë dhe mbrojtjes. Turqia është shtet-aleat i yni me të cilin kemi bashkëpunim të shkëlqyer në shumë fusha. Gjatë takimit që kisha me komandantin e kontingjentit turk të KFOR-it, kolonel Sabri Gokhan Karamursel, diskutuam rreth shumë temave që kanë të bëjnë me çështje të sigurisë dhe mbrojtjes, ashtu siç rëndom koordinohemi për çështje të cilat janë me interes për të dyja palët”, theksoi ministri Maqedonci. Ai tutje tha se me kolonelin turk ka biseduar po ashtu edhe për trajnimet e pjesëtarëve të Forcës së Sigurisë së Kosovës (FKS) të cilat po vazhdojnë të zhvillohen në Türkiye. Në fund, Maqedonci tha se ka falënderuar kolonelin Karamursel për kontributin e kontingjentit turk në Kosovë dhe kontributin e Turqisë për mbështetjen në zhvillimin e kapaciteteve të plota të FSK-së.
