Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kuvendit, Glauk Konjufca, pas një “shikimi sipërfaqësor”, që i ka bërë draftit të Asociacionit, pasi duket se nuk ka pasur kohë ta lexojë me vëmendje, ka deklaruar se propozimi ndërkombëtar për Asociacionin është plotësisht në përputhje me Kushtetutën e Kosovës. Mirëpo, Albin Kurti, Vjosa Osmani dhe as Besnik Bislimi nuk garantojnë për këtë. Kryeministri ishte i gatshëm të nënshkruante në Bruksel për themelimin e kësaj bashkësie komunash, por as ai, as presidentja dhe as zëvendëskryeministri nuk janë të sigurt që s’bie ndesh me Kushtetutën, përveçse thonë se gjithçka do t’i nënshtrohej vlerësimit të Gjykatës. Zëvendëskryeministri Besnik Bislimi, kryenegociator i Kosovës në dialogun me Serbinë, tha se nuk mund të vlerësojnë nëse ky draft është në përputhje me Kushtetutën. Sponsorët e këtij dokumenti kanë deklaruar, kanë siguruar se gjatë përpilimit të propozimit të tyre, i cili nuk është propozim merre ose lëre, ata janë kujdesur në maksimum që t’i përmbushin kushtet që të respektohet Kushtetuta e Republikës së Kosovës dhe vendimi i Gjykatës Kushtetuese i dhjetorit të vitit 2015.
