Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Tri javë pasi kryetarja, Vjosa Osmani, vendosi të mos e dekretojë Blerim Isufajn për Kryeprokuror, Këshilli Prokurorial i Kosovës ia ka çuar edhe një herë për dekretim emrin e kryeprokurorit të Prokurorisë Speciale. Në KPK u vendos unanimisht që emri i Isufajt t’i dërgohet sërish shefes së shtetit për dekretim, raporton Kallxo.com. Osmani më 17 tetor vendosi zyrtarisht që të mos e dekretojë Isufajn për kryeprokuror, pasi tha se në procesin e përzgjedhjes së tij kishte “shkelje masive”. Zonja Osmani pati thënë në një konferencë për media se KPK s’mund të ia çojë sërish emrin e kryeprokurorit të Prokurorisë Speciale për dekretim, pasi sipas ligjit dhe Kushtetutës, KPK-ja ka të drejtë ta bëjë propozimin vetëm një herë. Sa i përket çështjes së dytë që ka të bëjë me Këshillin Prokurorial, ju e dini që sipas ligjit dhe Kushtetutës, Këshilli Prokurorial ka të drejtë që ta bëjë propozimin e kandidatit për Kryeprokuror një herë, për dallim prej çështjes së prokurorëve, për kryeprokuror ka të drejtë ta bëjë një herë propozimin dhe pastaj që ky propozim të vlerësohet nga ana e Presidencës”.
