Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokuroria Speciale e Kosovës ka ngritur aktakuzë ndaj zëdhënësit të Lëvizjes Vetëvendosje Arlind Manxhuka dhe asamblistit të kësaj lëvizje në Prishtinë, Egzon Azemi. Këta dy zyrtarë akuzohen për nxitje të përçarjes dhe mos-durimit. Të pandehurit duke keqpërdorur pozitën e tyre zyrtare nëpërmjet rrjetit social ‘Facebook’, me dashje kanë përhapur dhe nxitur urrejtje e mos durim ndaj të dëmtuarve, prokurorit A.Sh dhe gjyqtarit M.B, lidhur me një vendim për ndryshimin e masës së paraburgimit kundër të dyshuarit, Dejan Pantiq është thënë në njoftimin e Prokurorisë Speciale. Konkretisht bëhet fjalë për nxitje të urrejtjes dhe mos-durimit ndaj një prokurori dhe një gjyqtari, në lidhje me ndryshimin e masës së paraburgimit, të ish-policit, Dejan Pantiq. Prokurori i Shtetit me rastin e ngritjes së aktakuzës i ka propozuar gjykatës që të pandehurit të shpallen fajtorë dhe të dënohen sipas ligjit, për veprat penale të cilat iu vihen në barrë.
