Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjergj Dedaj, ka mbaruar paraqitjen e dëshmive të tij para trupit gjykues të Gjykatës Speciale, në Hagë. Ai është përgjigjur në pyetjet e avokatit të Hashim Thaçi. Dedaj gjatë dëshmisë ka folur për kohën kur ishte emëruar zëvendësministër i Transportit. Unë jam ngarkuar nga presidenti Thaçi, zëvendësministër i Transportit të asaj kohe, por ende pa shkuar në punë, pasi të hënën fillon puna, jam shkarkuar dhe në medie ka dalë se Hashim Thaçi të premten e caktoi, pastaj e shkarkoi zëvendësministrin e Transportit, Gjergj Dedaj. Si ka qenë e mundshme kjo. Këtë e ka bërë dikush tjetër dhe këtë mund ta them në një seancë private. Gjithnjë kam menduar se me ka shkarkuar Hashim Thaçi dhe e kam pas një urrejtje ekstreme nëse kishte ndodhur ashtu. Mbas 5-6 ditëve jam takuar me Hashim Thaçin, Gjorgj Uashingtonin e Kosovës, sikur i kanë thënë amerikanët. Gjatë takimit ai më ka thanë: ‘Gjergj nuk të kam shkarkuar unë’”, ka saktësuar Gjergj Dedaj, i cili ka kryer dëshmitë e tij, në procesin gjyqësor, që po mbahet në Hagë, kundër krerëve të Ushtrisë Çlirimtare të Kosovës. Gjykimi vazhdon sot me marrjen në pyetje të një dëshmitari serb.
