Grupi Lokal i Veprimit “Llapusha” në Malishevë realizoi projektin “Edukimi është preventiva më e mirë”

09/11/2023 Institucionet

Grupi Lokal i Veprimit (GVL) “Llapusha” në Malishevë, ka realizuar me sukses projektin e vetëdijesimi për mbrojtje nga fatkeqësitë dhe zjarret “Edukimi është preventiva më e mirë”, ku kanë mbajtur ligjërata vetëdijesuese në shkolla të Komunës së Malishevës. Në kuadër të këtyre ligjëratave, GVL sot e ka mbajtur një ligjëratë të tillë në Shkollën e Mesme të Ulët “17 Shkurti” në Banjë. Bashkë me GVL dhe ligjëruesit profesional të kësaj fushe, në këto ligjërata morën pjesë edhe drejtori i Drejtorisë  për Mbrojtje dhe Shpëtim, Shqipron Shala dhe drejtori i Drejtorisë për Kulturë, Rini dhe Sport, Fitim Shala, si dhe drejtori i shkollës, Izahir Begaj, të cilët edhe kanë folur për rëndësinë e këtij projekti me karakter vetëdijesuese. Menaxheri i këtij projekti, Halit Mazreku, në emër të GVL “Llapusha”, e ka falënderuar komunën për mbështetje në realizimin e këtij projekti me rëndësi për vetëdijesimin e të rinjve për tu mbrojtur nga zjarret dhe fatkeqësitë tjera natyrore. “Qëllimi i këtyre ligjëratave, është që nxënësit të marrin njohuritë elementare mbi fatkeqësitë natyrore dhe fatkeqësitë  tjera, si të veprojnë në raste të tilla, si dhe janë pajisur me fletëpalosje, postera dhe planin familjar për rastet e fatkeqësive”, ka sqaruar Mazreku.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara