Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Numri dy në Qeveri pas Isa Mustafës, Branimir Stojanoviq ka shprehur keqardhje që UNMIK-u është përjashtuar nga vendim-marrja për Kosovën. Në një prononcim për mediet në Beograd, zëvendëskryeministri nga radhët e Listës ‘Srpska’, Branimir Stojanoviq ka shtuar se është mirë që EULEX-i të qëndrojë në Kosovë për të konstrolluar institucionet për zbatimin e ligjit. “Marrëveshja për procesin e transferimit të kompetencave të misioneve ndërkombëtare në Kosovë tek institucionet kosovare është arritur ndërmjet politikanëve shqiptarë dhe përfaqësuesve të BE-së.”, ka thënë Stojanoviq. Ai ka tërhequr vërejtjen se prania e EULEX-it në Kosovë është shumë e rëndësishme, sepse, ka thënë ai, pa këtë mision dhe rolin e tij, nuk do të kishte as minimum të kontrollit të institucioneve që duhet të sigurojnë sundimin e ligjit.
