Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati, Ben Emmerson, sot në Gjykatën Speciale, në Hagë, deklaroi se Kadri Veseli i ka kërkuar që ta bëjë të qartë publikisht se nuk ka asnjë pretendim kundër dëshmitarit, Sadik Halitjaha. Zoti Veseli me ka kërkuar që ta bëjë shumë të qartë publikisht, që ai nuk ka bërë dhe nuk bënë asnjë pretendim fare kundër këtij dëshmitari, për çështje të cilat ne i përmendem dje. Pasi i kam parë shënimet e mia, me lejoni të iu them se nuk kam pyetje të tjera për këtë dëshmitar, tha Emmerson. Ndërkohë pyetjet për Sadik Halitjahën i ka parashtruar mbrojtja e Hashim Thaçit përmes avokatit, Gregory Kiohe. Dje, dëshmitari Sadik Halitjaha tha se me porosinë e Kadri Veselit, avokati Ben Emmerson e ka quajtur të shantazhuar. Dua t’ i drejtohem kryetarit të gjykatës e jo avokatit se ajo për mua ishte një thikë pas shpine, ai duhet ta sqarojë drejt dhe të jetë fer, jo me goditje poshtë brezit. Po të jetë ashtu le ta tregojë se ku është urdhri, ku e ka parë, ku e ka dëgjuar dhe ku e ka atë kopje të urdhrit të tillë, ka pyetur Sadik Halitjaha. Nuk ka forcë në këtë botë që me shantazhon, mund të me vrasin dhe të më burgosin, por jo të me ligin dhe më shantazhojnë, le ta harrojë avokati Emmerson dhe Kadri Veseli që e ka porosit për të thënë ashtu, ka sqaruar dhe ka saktësuar, Sadik Halitjaha, gjatë paraqitjes së tij para trupit gjykues të Gjykatës Speciale, në Hagë.
