Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari amerikan i Shtetit, Antony Blinken zhvilloi një bisedë telefonike me ish-ministrin izraelit të Mbrojtjes dhe anëtarin e “Qeverisë së Emergjencës” i cili quhet “kabineti i luftës”. Blinken ka bërë thirrje për ndalimin e dhunës së kolonëve të paligjshëm hebrenj kundër palestinezëve në Bregun Perëndimor. Në një njoftim nga Departamenti i Shtetit, bëhet e ditur se Blinken zhvilloi një bisedë telefonike me ish ministrin Ganc. Në deklaratë bëhet e ditur se gjatë bisedës u theksua rëndësia e dërgimit sa më parë të ndihmave humanitare për Gazën si dhe u diskutua edhe çështja për lirimin e pengjeve, përfshirë shtetasit amerikanë. Sekretari Blinken vuri në dukje rëndësinë e hedhjes së hapave vendimtarë për uljen e tensionit në Bregun Perëndimor përfshirë dhe luftën me nivelin në rritje të dhunës ekstreme të kolonëve”, thuhet në deklaratën e Departamentit të Shtetit. Po ashtu njoftohet se Blinken ka shprehur edhe njëherë angazhimin e Shteteve të bashkuara të Amerikës për zgjidhjen e konfliktit të përhershëm me pranimin e dy shteteve, Palestinës dhe Izraelit.
