Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas deklaratës së presidentit të Ukrainës, Volodimir Zelenski, se Moska dëshiron të nxisë konflikt në Ballkanin Perëndimor, zyrtar të Departamentit të Shtetit kanë thënë se agresioni i Rusisë në Ukrainë vë në pah urgjencën dhe rëndësinë e punës së Uashingtonit për të ndihmuar shtetet e Ballkanit Perëndimor. Zëdhënësi i Departamentit amerikan të Shtetit ka deklaruar për Radion Evropa e Lirë se agresion i Rusisë ndaj Ukrainës rrezikon themelet e rendit dhe sigurisë ndërkombëtare. “Shtetet e Ballkanit Perëndimor dhe të gjitha shtetet në Evropë, kanë një interes të madh në rezultatin e luftës së Rusisë kundër Ukrainës, luftë që kërcënon themelet e rendit dhe sigurisë ndërkombëtare. Prandaj, është thelbësore që ne të vazhdojmë të qëndrojmë së bashku përballë agresionit të Rusisë” ka thënë një zyrtar i Departamentit të Shtetit për Radion Evropa e Lirë.
