Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përveç në Vlorë, Tiranë, Shkup e në Prishtinë dhe në qytete të tjera, ku po përkujtohet 111-vjetori i Pavarësisë së Shqipërisë, vizita të shumta po bëhen edhe në Kompleksin Memorial, Adem Jashari në Prekaz të Drenicës. Qysh në orën e mëngjesit kanë filluar vizitat e veteranëve të luftës së Ushtrisë Çlirimtare të Kosovës, në Prekaz, ku prehet në përjetësi komandanti legjendar i UÇK-së, Adem Jashari dhe 56 Jasharët e tjerë të rënë në luftë për liri, më 5.6. dhe 7 mars të vitit 1998.
Kompleksin Memorial në Prekaz e kanë vizituar edhe udhëheqës institucionesh të vendit, shoqatat e luftës së UÇK-së dhe qytetarë të shumtë liridashës të Kosovës, Shqipërisë, Maqedonisë, Kosovës Lindore e të trevave të tjera shqiptare. Prekazi prej viti 1998 është kthyer në një vend pelegrinazh të shqiptarëve, ashtu si Kruja e Skënderbeut, Tepelena e Ali Pashës, Vlora e Ismail Qemalit, Prizreni i Lidhjes Shqiptare, Kulla e Haradinajve, në Gllogjan, dikur Gjirokastra e Enver Hoxhës e vende të tjera, me rëndësi të historisë kombëtare.
