Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja e trupit gjykues, të Gjykatës Speciale në Hagë, ka njoftuar se gjykimi kundër Pjetër Shalës do të rifillojë më 9 janar 2024. Ajo dha katër urdhra me gojë në këtë çështje gjyqësore. Gjyqtarja dha urdhër që përfshinte mbylljen e afatit për paraqitjen e provave nga mbrojtja. Trupi gjykues ka caktuar 15 janarin e vitit 2024 ku parashikohet që të bëhet mbyllja e paraqitjes së provave nga mbrojtja. Njëri prej urdhrave ishte lidhur me kërkesën e mbrojtjes së Pjetër Shalës, për të thirrur dëshmitarin ekspert, Stefan Learts që të jep dëshmi në sallën e gjyqit. Trupi gjykues nuk pajtohet me argumentin e mbrojtjes se akt-ekspertiza e z. Lerts dhe përgjigjet me shkrim janë të pamjaftueshme dhe se palët janë të paqarta dhe për rrjedhojë ai duhet të vijë fizikisht. Rrjedhimisht, trupi gjykues konstaton se mbrojtja nuk ka dhënë arsye të mjaftueshme për të thirrur z. Lerts që të jep dëshmi në sallën e gjyqit fizikisht dhe rrezon kërkesën e mbrojtjes lidhur me këtë pikë”, tha gjykatësja, Foglia.
