Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partitë opozitare kanë kritikuar ministrat për mos-prezencën e tyre në seancë plenare. Ata thanë se kjo është pa përgjegjshmëri dhe se nuk po arrijnë të parashtrojnë pyetjet parlamentare për kabinetin qeveritar. Paraprakisht, nënkryetarja e Kuvendit të Kosovës, Saranda Bogujveci tha se kryeministri dhe disa ministra nuk janë të pranishëm për shkak të agjendës. Deputetja e Partisë Demokratike të Kosovës, Ganimete Musliu tha se është e pakuptimtë të qëndrojë në këtë seancë plenare, meqë ministrat nuk janë të pranishëm. Më pas reagoi deputeti i Lëvizjes Vetëvendosje, Adnan Rrustemi, i cili tha se është seancë e veçantë me pyetje parlamentare. Ganimete Musliu kërkoi të replikojë, por nënkryetarja Saranda Bogujevci nuk e lejoi. Deputetja e Aleancës për Ardhmërinë e Kosovës, Time Kadriaj u shpreh se është pa përgjegjësi e kabinetit qeveritar, meqë nuk po marrin pjesë në këtë seancë plenare. Edhe deputeti i Lidhjes Demokratike të Kosovës, Armend Zemaj e quajti të papërgjegjshme qeverinë. Ministrat e pranishëm nuk u përgjigjen në pyetjet parlamentare të deputetëve të PDK-së, siç thanë për shkak të mos votimit të marrëveshjeve ndërkombëtare. Kjo nxiti deputetët opozitarë të lëshojnë seancën plenare, derisa e njëjta për rreth një orë vazhdoi me prezencën e vetëm deputetëve të mazhorancës, të cilët parashtruan pyetje.
