Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sali Berisha, si atë kohë edhe sot, madje në disa segmente vepron edhe më keq së armiqtë e përbetuar që kanë synim t’i vënë zjarr Shqipërisë! Berisha nuk bën ndonjë përjashtim nga mentaliteti i të qenit Bajraktar anadollak autokrat, hakmarrës, piroman i shthurur, autoritar i cili keqpërdor në mënyrën më arrogante numrat e dhënë (votën), nga kokëshkretët. Vota në kuptimin e peshës politike, që e yshtin atë për t’u sjellë si i gjithëpushtetshëm, arrogant i pa skrupulltë, agresiv i pa cipë dhe i pa pikë respekti përballë interesave madhore të atdheut.
– Ai, në kohë lufte në Kroaci dhe në Bosnje e Hercegovinë i bëri koncesione Serbisë, në një kohë kur një botë e tërë i kishte vënë embargo!
– Ai theu këtë embargo, duke e furnizuar Serbinë gjakatare me naftë e hekur, pikërisht në një kohë kur Serbia po digjte Kroacinë dhe Bosnjën e po behej gati për ta djegur edhe Kosovën!
– Berisha, shkaktoi falimentimin ekonomik të Shqipërisë, duke i lënë pa kulm e katandi mbi kokë shqiptarë, me anë të firmave Piramidale… a nuk mjaftonte vetëm një urdhër nga z. Berisha, që të shpallte firmat piramidale të jashtëligjshme. Kaq dhe vetëm kaq mjaftonte!
– Në vazhdim, çështja e shitblerjes së energjisë elektrike Shqipëri- Serbi, marrëveshjet për telefoninë mobile Itali- Shqipëri- Serbi. Çështje konspirative këto, fatkeqësisht të sakta!
– Takimet e fshehta të përfaqësuesve të tij me Arkanin, fare të hapura e publike me Fazlliqin!
– Burgosja e pjesëtarëve të Ushtrisë Çlirimtare të Kosovës, përgjatë qeverisjes së tij!
– Likuidimi i fshehtë i liridashësve tanë, siç është rasti me Remzi Hoxhën e tjera shëmti në rrafshin kombëtar në kohët më të liga për ne.
– Shpërthimi i Depove të armatimit shtetëror, duke prekur kështu palcën kurrizore të shtetit, për pasojë, kishte mijëra të vrarë, deri tek rasti i Gërdecit!
– Zhvatja nga mjetet për “Rrugën e Kombit!”, edhe sot mbeti e pasqaruar kjo çështje, padyshim rrugë jetike kjo (Aorta e Kombit), e cila ende nuk ka përfunduar në tërësinë e saj!
– Berisha, kishte kërkuar edhe arrestimin e luftëtarëve të Drenicës, Dukagjinit, Llapit etj. Janë me emër e mbiemër të gjithë ata që Sali Berisha dhe Gazidede i arrestuan dhe ndaluan, në mesin e tyre; Adem Jasharin, Adem Nurën, Hashim Thaçin, Zahir Pajazitin etj. kanë arrestuar dhe për pak kanë shpëtuar nga ekstradimi tek pushtuesi Serb, Xhevë dhe Fehmi Lladrovcit, Ramush Haradinaj e të tjerë- janë fakte që flasin…
– Sali Berisha, duke yshtur mujsharë të tërë, me sëpata e çekan, demoluan dyert e Godinës së PD-së, arenë e trishtuar çakejsh kjo, ditëm drekë në shesh të Tiranë!
– Sali Berisha sot, me flakën e pishës në dorë, e më flakën e urrejtjes fshehur thellë në shpirt, për t’i vënë zjarrin Parlamentit shqiptarë, kjo nuk do koment, këtë po e sheh një botë e tërë!
– Berisha as nuk skuqet e as nuk turpërohet nga këtë veprime rrugaçërie kundër atdheut të vet, ky njeri- lider piroman, ky matuf plak, që do ta djeg Shqipërinë, O burrani!
– Sali Berisha, po e djeg Shqipërinë në emrin tuaj o burra, o njerëz, o popull. A ka ligj atje, a ka shtet atje, a ka etikë atje, a djegën godinat e atdheut, vetëm e vetëm për ta ardhur dhunshëm në pushet!
– Sali Berisha, ka ngatërruar kohët, në emër të diktaturës e dhunës, po do me ardhur në pushtet, për t’i ushtruar dhunë më pastaj nüe emër të demokracisë!…
– Sali Berisha, kjo kopje e keqe e një analogjie po aq të marrë me shije të hidhur- një i çmendur që do t’î çmend të tjerët për rreth tij, me zjarrin e urrejtjes fshehur thellë në gji, që do ta djeg me zjarr nënën Shqipëri!
CH-06-12-2023
