Kryetari Latifi takoi personelin shëndetësor të QMKF “Dr. Fahredin Hoti”

14/12/2023 Institucionet

Sot, kryetari i komunës së Rahovecit Smajl Latifi me bashkëpunëtorë, zhvilluan takim dhe bashkëbisedim me personelin shëndetësor të komunës së Rahovecit. Patën rastin të flasin për gjendjen e përgjithshme të shëndetësisë në komunë, ekipin mobil të kujdesit shtëpiak, shërbimet pediatrike, shërbimet gjinekologjike, stomatologjike, gjendjen aktuale të furnizimeve me barna esenciale, reagensë, materiale e pajisje të reja shëndetësore dhe format e tjera të përkrahjes së QKMF-së, rrjetit të QMF-ve dhe AMF-ve, po ashtu, për mundësitë e rritjes në vazhdimësi të cilësisë së shërbimeve. Kryetari kërkoi angazhim më të lartë në lidhje me vetëdijesimin e qytetarëve që ata t’i marrin shërbimet mjekësore në ambulancën më të afërt me vendbanimin e tyre. “Po bëjmë përpjekje intenzive bashkë me Ministrinë e Shëndetësisë që sa më parë ta funksionalizojmë repartin e Hemodializës. Shëndetësia është një prej sektorëve kryesorë në fokusin tonë” u shpreh kryetari Latifi. Kryetari Latifi shprehu mirënjohje dhe falënderim për shërbimin dhe angazhimin e tyre për mbrojtjen e shëndetit të qytetarëve të Rahovecit!

Kontrolloni gjithashtu

Dea Shabani shkruan historinë për notin ferizajas

Anëtarja e Klubit të Notit “FERIZAJ”, Dea Shabani ka shkruar historinë për notin ferizajas në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara