Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nga Gjykata Speciale, në Hagë, bëhet e ditur se gjyqtari i vetëm i deritashëm, Nikolas Gyju, e ka braktisur detyrën e tij në krye të Procedurës paraprake të kësaj gjykate. Në komunikatën e Gjykatës shkruan: Më 5 dhjetor 2023, gjykatësi Nikola Giju, u zgjodh gjykatës në Gjykatën Penale Ndërkombëtare. Gjykatësi Gyju ishte emëruar gjykatës i Gjykatës Speciale më 7 shkurt të vitit 2017 dhe ka kryer funksionin e gjykatësit të procedurës paraprake në çështjet gjyqësore kundër Hysni Gucatit, Nasim Haradinajt, Salih Mustafës, Hashim Thaçit, Jakup Krasniqit, Kadri Veselit, Rexhep Selimit, Pjetër Shalës, Sabit Januzit dhe Ismet Bahtijarit. Ai ishte caktuar gjithashtu në funksionin e gjykatësit të vetëm në çështjen kundër, Isni Kilajt. Kryetarja e kësaj gjykate Ekaterina Trendafilova, e cila gjithashtu ka qenë gjykatëse, përpara se të emërohej në postin aktual, përgëzoi gjykatësin Giju dhe theksoi se zgjedhja e tij është pasqyrim i përkushtimit të palëkundur në fushën e drejtësisë penale ndërkombëtare, që e ka demonstruar tashmë me dedikimin e tij të jashtëzakonshëm si gjykatës i procedurës paraprake ose gjykatës i vetëm në të gjitha çështjet gjyqësore që janë aktualisht para kësaj gjykate, thuhet mes tjerash në komunikatën e Gjykatës Speciale.
