Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Isa Mustafa mori sot pjesë në përurimin e vijës së re të interkoneksionit 400-kilovoltësh Shqipëri-Kosovë. Të pranishëm në këtë ceremoni ishin kryeministri i Shqipërisë, Edi Rama, zëvendëskryeministri i Kosovës, Hajredin Kuçi, ministrat Blerand Stavileci dhe Damian Gjiknuri si dhe përfaqësues të Bankës Gjermane për Zhvillim. Me këtë rast, kryeministri Mustafa theksoi se kjo është një fitore e përbashkët për Shqipërinë dhe Kosovën. Sipas tij “energjia është shtyllë tepër e rëndësishme për zhvillim të qëndrueshëm ekonomik, parakusht i rritjes së investimeve të brendshme dhe atyre të jashtme, si dhe parakusht i mirëqenies së qytetarëve”. Mustafa shprehu bindjen se ky projekt jo vetëm që ndikon në ruajtjen e mjedisit, por mbi të gjitha është në funksion të arritjes së qëndrueshmërisë së furnizimit me rrymë elektrike për të dy vendet tona.
