Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendës-kryeministri për Politikat Ekonomike dhe Ministri i Zhvillimit Ekonomik në Mal të Zi, Nik Gjeloshaj, ka thënë se rrezikimi i parimeve kyçe demokratike, kursi properëndimor i shtetit, anëtarësimi në Bashkim Evropian (BE), harmonizimi i plotë i politikës së jashtme dhe të sigurisë së Malit të Zi me politikat e BE-së dhe NATO-s, natyrisht edhe çështja e pavarësisë së Kosovës, janë vija e kuqe për qëndrimin e tij në Qeveria. Gjeloshaj ka thënë se janë këto vija të kuqe që nëse kalohen rrezikojnë parimet kyçe demokratike të shtetit. “Duke pasur parasysh ndjeshmërinë e momentit politik në të cilin operojmë, si dhe ngjarjet gjeopolitike, ka disa “vija të kuqe” që nuk do t’i kalonim. Kryesisht këto janë ato ‘vija’ që do të bien ndesh me angazhimet e partisë sonë dhe që para së gjithash rrezikojnë: parimet kyçe demokratike, kursi properëndimor i shtetit, anëtarësimi në BE, harmonizimi i plotë i politikën e jashtme dhe të sigurisë së Malit të Zi me politikën e BE-së dhe NATO-s dhe natyrisht me çështjen e pavarësisë së Kosovës”, ka thënë Gjeloshaj
