Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i LDK-së, Lumir Abdixhiku, ka reaguar kundër deklaratave të kryeministrit, Albin Kurti, mbi arritjet e qeverisë që ai drejton. Ai ka thënë se Kurti ka humbur tri vjet duke dështuar në projekte madhore, arritjen e njohjeve të reja dhe në forcimin ndërkombëtar të shtetësisë së Kosovës. Kurti flet për vizat, targat, energjinë elektrike dhe pasaportat. Me njohje pasaportash por asnjë njohje të re në tre vjet. Njohja e fundit ishte nga Izraeli, 3 vite më parë; pa ta! Asnjë njohje, asnjë anëtarësim! Sanksione e mbi 300 milionë euro humbje nga ky izolim! Mburren me mbledhjen e faturave në veri nga ‘Elektroseveri’, kompani në pronësi të shtetit të Serbisë. Ka mbi 7 vjet që kanë kundërshtuar këtë marrëveshje madje dhe me protestë. Sot marrëveshjen e njëjtë e trumpetojnë si histori. Mburren me liberalizim, proces që e kishin ndërprerë me dhunë qysh në vitin 2016. Asokohe, Kosova, Ukraina dhe Gjeorgjia ishin në një paketë. 7 vjet të humbura për një kauzë që e kanë harruar tashmë. I thonë demarkacion. Këta tri vjet janë të humbur plotësisht. Pa projekte madhore, pa arritje kapitale, pa forcim të shtetësisë ndërkombëtarisht. Kosova mundet më mirë! Kosova meriton shumë më mirë, ka shkruar mes tjerash kryetari i LDK-së, Lumir Abdixhiku.
