Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas tri jave pushimi, Trupi gjykues i Gjykatës Speciale kthehet në sallat e gjykimit. Sipas kalendarit të kësaj Gjykate, prej ditës së sotme e deri të premten para trupit gjykues do të paraqitet Pjetër Shala, derisa javën tjetër gjykimi do të vazhdojë edhe për krerët e UÇK-së, Hashim Thaçi, Kadri Veseli, Jakup Krasniqi dhe Rexhep Selimi. Avokati Amer Aliaj thotë se ky vit do të vazhdojë njëjtë sikurse i kaluari, me dëgjimin e dëshmitarëve të propozuar nga Prokuroria, në rastin kundër Hashim Thaçit e krerëve të tjerë të UÇK-së. Edhe gjatë këtij viti do të mbahen seanca intensive në rast se e shohim kalendarin apo seancat e caktuara deri në muajin korrik, deri kur parashihet të mbahen më shumë se 80 seanca. Ndërkohë janë edhe tri raste “për pengim të administrimit të drejtësisë”, ka thënë Amer Aliaj. Ai shpreson se Gjykata Speciale gjatë këtij viti do të jetë më transparente dhe me më pak seanca të redaktuara.
